Hvaða myndband á að gera fyrst – kynningarmyndband, skýringarmyndband eða örsögur

Hvað á að
gera fyrst?

Fyrirtæki sem á ekkert myndband spyr oftast: eigum við að byrja á kynningarmyndbandi, skýringarmyndbandi eða örsögum fyrir samfélagsmiðla? Svarið fer eftir því hver á að horfa, hvar og hvað hann á að gera á eftir. Hér eru sniðin þrjú borin saman og hvenær hvert þeirra á að koma fyrst.

Bóka fund Allir samanburðirnir

Skrifað af Ímynd. Við segjum hvenær hinn kosturinn hentar betur, og bendum á hann á fyrsta fundi ef svo er.

Hvað er verið að bera saman?

Kynningarmyndband: Eitt myndband, í 16:9 eða 9:16, sem segir hver þið eruð og fyrir hverja. Fyrir vefsíðuna, ráðstefnur, skjá í anddyrinu, samfélagsmiðla og kostaðar auglýsingar.
Skýringarmyndband: Myndband sem útskýrir eina vöru, þjónustu eða ferli, með viðtölum, skjámyndum eða teiknuðum skýringarmyndum.
Örsögur: Stutt myndbönd fyrir samfélagsmiðla, í áskrift ein á mánuði, um fólkið, verkin og það sem er að gerast.

Hver er munurinn?

Hvaða myndband á að gera fyrst?
Þáttur	Kynningarmyndband	Skýringarmyndband	Örsögur
Hver horfir	Fólk sem veit af ykkur og er að meta ykkur.	Kaupendur sem þurfa að skilja vöruna.	Fólk sem veit ekki enn af ykkur.
Hvar birtist það	Vefsíðan, ráðstefnur, skjár í anddyrinu.	Vörusíður, söluferlið, sýningarbás.	LinkedIn, Instagram, Facebook.
Hvað gerir það	Byggir upp traust og segir hver þið eruð.	Svarar „hvernig virkar þetta?“ svo fundurinn snúist um annað.	Heldur ykkur í huga fólks milli þess sem það kaupir.
Líftími	Ár; uppfært þegar fyrirtækið breytist.	Jafn lengi og varan; uppfært með henni.	Dagar í straumnum, en skotin lifa áfram í kynningarmyndbandinu.
Byrjar á	Fyrsta fundi: sögurnar fimm og tökudagar.	Fyrsta fundi: hvað þarf að útskýra og hvað þarf að teikna.	Fyrsta fundi: hvað er að gerast næstu tólf mánuði.

Hvenær hentar hvað?

Kynningarmyndband fyrst ef …

vefsíðan eða ráðstefnan vantar eitt myndband sem segir söguna.
fólk veit hvað þið gerið en þarf að treysta ykkur.
þið viljið eitt verk með skýru umfangi.

Skýringarmyndband fyrst ef …

varan eða þjónustan skilst ekki án útskýringar.
sölufólkið svarar sömu spurningunni aftur og aftur.
það þarf að sýna ferli eða gögn sem myndavélin nær ekki.

Örsögur fyrst ef …

fáir þekkja ykkur enn og þið viljið sjást reglulega.
það er alltaf eitthvað að gerast í rekstrinum sem vert er að segja frá.
þið viljið að kynningarmyndbandið verði til úr raunverulegum sögum ársins.

Spurðu þig

01Hver á að horfa, og veit hann af ykkur nú þegar?
02Hvar á myndbandið að birtast: á vefsíðunni, í söluferlinu eða í straumnum?
03Hvað á áhorfandinn að gera á eftir: bóka fund, skilja vöruna eða muna eftir ykkur?
04Er eitthvað að gerast hjá ykkur í hverjum mánuði sem vert er að segja frá?

Röðin skiptir minna máli en að byrja. Á fyrsta fundi kortleggjum við hvað er að gerast í rekstrinum og segjum hvaða snið ætti að koma fyrst, og hvaða leið hentar: eitt verkefni eða áskrift.

Tengt efni

Algengar spurningar

Getum við gert allt þrennt í einu?

Já, og í áskrift gerist það á einu ári: tólf örsögur, ein á mánuði, og eitt kynningarmyndband sem verður til úr bestu skotunum. Skýringarmyndband bætist við þegar vara eða þjónusta kallar á það.

Hvað ef við vitum ekki hvað við viljum?

Þá er fyrsti fundur rétti staðurinn. Þar kortleggjum við reksturinn, finnum fimm sögur og segjum hvaða snið á að koma fyrst. Fundurinn kostar ekkert.

Nýtist efnið úr einu sniði í annað?

Já. Skotin úr örsögunum fara í kynningarmyndbandið, og úr kynningarmyndbandi og skýringarmyndbandi skilum við styttri útgáfum fyrir samfélagsmiðla.

Óviss hvaða leið hentar?

Fyrsti fundur kostar ekkert. Við förum yfir verkefnið og segjum til ef önnur leið hentar þér betur.

Bóka fund Hafa samband